நேர்வழி விருது விழா 2024


நேர்வழி விருது விழா 2024



அறக்கல்வி முடித்த முன்னாள் மாணவர்கள் இணைந்து தொடங்கியுள்ள இந்த  அமைப்பின் முதல் நிகழ்வாக “நேர்வழி விருது விழா 2024” என்ற பெயரில் இரண்டு நேர்மையான ஊழியர்களை கௌரவிக்கப்  போகிறோம். கீழ்கண்ட தேர்வு முறைகளின் அடிப்படையில் அவர்களை தேர்ந்தெடுத்தோம்.  

நேர்வழி விழாவில் கௌரவிக்கப் போகும் நபர்களுக்கு கட்டாயம் இருக்க வேண்டிய அம்சங்கள்,

1. லஞ்சம் கொடுத்து பணியில் சேர்ந்திருக்க கூடாது.

2. குறைந்தது 7 ஆண்டுகள் அந்த பணியில் பணியாற்றியிருக்க வேண்டும்.

3. லஞ்சம் அதிகம் புழங்கக் கூடிய துறையில் பணிபுரிய வேண்டும். 

4. அதிகாரி அளவில் இருக்கக் கூடாது. பொதுமக்களுடன் நேரடி தொடர்பில் இருக்க கூடிய கடைமட்ட ஊழியராக இருக்க வேண்டும். குறைவான சம்பளம் வாங்கக் கூடியவராக இருக்க வேண்டும். (Eg: clerk, head clerk, constable, ward boy) 

5. தன்னுடைய பணியை சரியாக முடிப்பவராக இருக்க வேண்டும். 

இவற்றை அடிப்படையாகக் கொண்டு எங்களுடைய நண்பர் வட்டங்களில் விசாரிக்கத் தொடங்கினோம். விருதாளர்கள் இருவர் பற்றி தெரிய வந்தது. பின்னர், இரண்டாம் கட்ட விசாரணையாக எங்களுக்கு தெரிந்த CBCID நண்பர் மூலம் விசாரித்து இவர்கள் நேர்மையானவர்கள் என்று உறுதி செய்து  இவர்களுக்கு விருது அளிக்க முடிவு செய்தோம். 

இவ்வாறு நாங்கள் விசாரிக்கும் போது எங்களுக்கு கிடைத்த இன்னும் சில பரிந்துரைகள்:

1. சாமியப்பன்,

கூட்டுறவு சார் பதிவாளர்,

கோபிசெட்டிபாளையம்.


2. சாதிக் பாட்சா,

கண்காணிப்பு அலுவலர்,

ஈரோடு மாவட்ட மத்திய கூட்டுறவு வங்கி,

காளிங்கராயன் பாளையம், பவானி. 


3. விஜயா 

ஓய்வு பெற்ற செவிலியர்

திருப்பூர்.

இவர்களில் இருவர் அரசு அதிகாரிகளாக உள்ளனர். ஒருவர் ஓய்வு பெற்று விட்டார். நாங்கள் வைத்துள்ள அம்சங்களான கடைநிலை ஊழியராக இருக்க வேண்டும் என்பது இவர்களுக்கு பொருந்தாததால் விருது பெறும் இருவரையும் கௌரவிப்பதற்காக இவர்களை அணுகி ஒப்புதல் பெற்று விட்டோம். விருதாளர்கள் இருவருக்கும் ஒரு அடியிலான காந்தி சிலை விருதாக அளிக்கப்படும். இந்த விருது நேர்மையானவர்களுக்கு நேர்மையானவர்களால் வழங்கப்படுகிறது. 

இந்த அமைப்பின் அடுத்த கட்டமாக நாங்கள் தத்தெடுத்து ஆறு மாத காலம் தங்கி பணிபுரியப்  போகும் கிராமமான அம்மாபாளையத்தில்  டிசம்பர் 12, 2024 அன்று  அந்த ஊர்மக்களுடன் இணைந்து  இவ்விழாவை நடத்தினோம் . இதே கிராமத்தில் தான் விருதாளர்களில் ஒருவர் பணிபுரிகிறார். இதை ஓவ்வொரு ஆண்டும் நடத்த திட்டமிட்டு உள்ளோம். 

அறப்போர் ஜெயராம் நேர்காணல்: https://munaiassociation.blogspot.com/2024/12/blog-post.html 

விருதாளர் சுபா நேர்காணல்: https://munaiassociation.blogspot.com/2024/12/blog-post_5.html 

விருதாளர் ஸ்ரீதரன் நேர்காணல்: https://munaiassociation.blogspot.com/2024/12/blog-

விழா குறித்து எழுத்தாளர் ஜெயமோகன் எழுதிய கட்டுரை: https://www.jeyamohan.in/209311/ 
 

விழா அழைப்பிதழ் 


சுபா, VAO, அம்மாபாளையம் 


ஸ்ரீதரன், VAO, சவண்டப்பூர் 



நேர்வழி விருது விழா காணொளி: https://youtu.be/E0FGZDmoET8?feature=shared
ஜெயராம் உரை: https://youtu.be/EpaUPYIhzRk?feature=shared 
ஜெயமோகன் உரை: https://youtu.be/7OHLqb-BGHo?feature=shared

நேர்வழி விருது விழா புகைப்படங்கள்:







Popular posts from this blog

400 கி.மீ நடைபயணம்

Image
400 கி.மீ நடைபயணம்  வாக்குக்கு பணம் என்பது தமிழகம் முழுக்கவே உள்ளது. மக்களிடத்தில் இது போன்ற ஊழல் மண்டிக் கிடக்கிறது. அது ஒட்டுமொத்த சமூகத்தின் நேர்மையை கேள்வி கேட்கக் கூடிய ஒன்றாக உள்ளது. பெரும்பாலானவர்கள் அதை ஊழல் என்றே உணர்வது இல்லை. சிலர் அவர்களுக்கு இருக்கும் குற்ற உணர்வை மறைப்பதற்காக தங்களுக்கு தாங்களே நொண்டி சாக்குகளை சொல்லிக் கொள்கின்றனர். அதற்கு எதிராக ஒரு இயக்கமாக செயல்பட்டு முற்றிலும் இல்லாமல் ஆக்க வேண்டும் என்பது தான் எங்கள் கனவு. ஈரோடு மாவட்டம் கவுந்தப்பாடி அருகில் பெருந்தலையூர் என்னும் கிராமத்தில் 2024 மக்களவை தேர்தலில் இந்த ஊழலுக்கு எதிரான ஒரு ஒன்றரை மாதம் தொடர் பிரச்சாரம் மேற்கொண்டு சுமார் 75 சதவீதம் பேர் பணம் வாங்காமல் இருந்து அதில் வெற்றியும் கண்டுள்ளோம்.  பெருந்தலையூர் பணி   11.01.2025 முதல் 28.01.2025 வரை 18 நாட்கள் இதே நோக்கத்தை முன்வைத்து காந்தி வந்து தங்கி இன்று அவருடைய நினைவாகமாக உள்ள கோவை பொத்தனூரில் தொடங்கி திண்டுக்கல் காந்தி கிராமம் வழியாக ராஜாஜி உப்பு சத்தியாக்கிரகம் செய்த வேதாரண்யம் வரை மொத்தம் 400 கிலோமீட்டர் நடந்து பிரச்சாரம் செய்துள்ளோம். ...
Read more

அறப்போர் ஜெயராம் நேர்காணல்

Image
  ஜெயராம் 1981 ஆம் ஆண்டு ஜூன் 8 ஆம் தேதி  சென்னையில்  கீதா மற்றும் வெங்கடேசன் ஆகியோருக்கு மகனாக பிறந்தார். இவருக்கு ஒரு மூத்த சகோதரனும் உள்ளார். வில்லிவாக்கம் செயின்ட் ஜான்ஸ் பள்ளியில் பள்ளிக் கல்வியும், சென்னை வேலம்மாள் பொறியியல் கல்லூரியில்  இளங்கலை எலக்ட்ரிக்கல் மற்றும் எலக்ட்ரானிக்ஸ் இன்ஜினியரிங் படிப்பும் படித்து முடித்துவிட்டு அமெரிக்காவில் ஓஹையோ நகரில் உள்ள சின்சினாட்டி பல்கலைக்கழகத்தில் அதே பிரிவில்  MS  முடித்துள்ளார். இவருடைய மனைவியின் பெயர் அனுஷா. இவருக்கு இரண்டு பெண் குழந்தைகள் உள்ளனர். சுமார் கடந்த 10 ஆண்டுகளாக  சென்னையில் அறப்போர் இயக்கம் என்னும் ஒரு அமைப்பைத் தொடங்கி ஊழலுக்கு எதிராக தொடர்ந்து கேள்வி எழுப்பிக் கொண்டு இருக்கிறார். அரசு அதிகாரிகள், அரசியல்வாதிகள் செய்யும் ஊழல்களை ஆதாரத்துடன் வெளியில் கொண்டு வருகிறார். அதன் விளைவாக பல்வேறு வழக்குகளையும், சிறை அனுபவங்களையும் எதிர்கொண்டு உள்ளார். ஒரு நேர்மையான சமூகம் அமைவதற்கு தொடர்ந்து செயல்பட்டுக் கொண்டு இருக்கும் இவரின் செயல்பாடுகள், வழக்குகள், பாதித்த ஆளுமை என்று மிக விரிவாக...
Read more

ஏழாம் நாள்

Image
நல்ல தூக்கம். ஜனவரி 17 காலை தாமதமாக எழுத்து பொறுமையாக கிளம்பினோம். அம்மாவும் எங்களுடன் சேர்ந்து நடப்பதாக சொன்னாள். முதலில் இருந்தே அம்மாவிற்கு கடும் கால்வலி உள்ளது. அதனால் நான் நடக்க வேண்டாம் என்று சொன்னேன். எவ்வளவு சொல்லியும் கேட்காமல் வந்தே தீர்வேன் என்று அடம் பிடித்து சண்டையிட்டு கூட வந்து பத்து கிலோமீட்டர் நடந்தாள்.  அக்கா, நண்பர்கள் ஊர் எல்லை வரை வந்து வழியனுப்பி வைத்தார்கள். வழியில் மாமா ஒருவர் வந்து அம்மாவிடம் பேசினார். அப்போது எங்கள் நடைபயணம் குறித்து அம்மா சொன்னார். "அத்தெல்லா எவன் திருந்துவான். கொடுத்து பழக்கீட்டாங்க. சம்பாதிச்ச காசவா கொடுக்கறா, கொள்ளையடிச்சது தானனு வாங்கிகறோ. அதுலென்ன இருக்கு என்றார்."  "அவங்க கொள்ளையடிச்ச பணத்த தான கொடுக்கறாங்க?" என்று கேட்டேன். "ஆமா" என்றார். "கொள்ளயடிப்பது சரியா தப்பா?" "தப்பு" "கொள்ளௌயடிச்ச பணம் சரியான பணமா? தப்பான பணமா?"  "தப்பான பணம்" "தப்பான பணத்த வெச்சிருந்தா பாவமா இல்லையா?" "பாவம் தா" "தப்பான பணத்த வாங்கறது சரியா தப்பா?" ...
Read more